Kari-Anne på Røst

Fiskarbonden Kari-Anne Nilsen har satsa alt på eit liv på gyngande grunn. I øyriket Røst, lengst sør i Lofoten, freistar ho å skape seg ei framtid som sauebonde. Ho har flytta frå ein trong sunnmørsfjord til forblåste holmar i havgapet.

På Røst, lengst sør i Lofoten, er sauene øyhopparar og båt viktigare enn fjøsen. For fire år sidan satsa Kari-Anne Nilsen alt på eit liv som bonde her. No har ho fått seg gard og skapt seg eit levebrød, men det er framleis mykje å lære.

Kari-Anne har satt ut ein liten saueflokk til å beite og redde eit attgrodd landskap, men dei greier ikkje jobben åleine. Ho har heldigvis mange gode vener og hjelpande hender kjem båtvegen frå Røst med ei slåmaskin.

På Røst kan sauene beite friskt gras ute nesten året rundt. Godt beite gjev god smak, og no vil Kari-Anne bruke saueblod til blodpølse kokt i magesekk. Sauebonden Torill bedømmer smaken og inviterer til radiobingo.

Skreien er komen! Endeleg skal Kari-Anne også få vere fiskarbonde. Med eigen sjark og god hjelp frå den erfarne fiskaren Steinar er ho klar til å hente opp store verdiar frå havet. Men sjarken er liten og havet er stort.

Fiskarbonden Kari-Anne Nilsen har satsa alt på eit liv på gyngande grunn. For Kari-Anne har fangsten blitt mager, men det er radiosendingar som skal leiast, fiskekaker som skal lagast og ein trufast dyreflokk som treng mat og omsorg.