Bli med heim

Erica er trilling, som betyr at ho blei fødd samtidig som syster og bror sin. Ho er alltid saman med søskena sine, av og til er dei bestevenner og av og til er dei uvenner og slåst!

Familien til Ask bur i same huset som morfar og mormor. Morfar har ein sjukdom, og Ask synast det er urettferdig at bestefaren aldri blir frisk igjen. Når Ask er sjuk blir han frisk etter nokre dagar, men morfar blir aldri frisk av sjukdommen.

Andrea bur hos tante og onkel. Dei har blitt Andrea sin nye mamma og pappa, og det synest Andrea er bra, for då Andrea var seks år gammal døydde mamma av kreft. No kallar ho tante for mamma og onkel for pappa.

Thelma har budd på ei lita øy så lenge ho kan hugse og ho synes det er ein fin stad. Av og til saknar ho nokon å leike med som er like gammal og no skal familien flytte til ein større stad. Det syns Thelma blir både trist og kjekt på ein gong.

Mohaned er muslim, noko som betyr at han trur på ein annan gud enn dei fleste av skulekameratane. Ein gong i året er det Ramadan, og då et foreldra berre om natta. Dei feirar noko som heiter ID, og Mohaned gler seg til feiringa med mat og gåver.

Pappaen til Sarah Elise er styrmann, og når pappa reiser på jobb får ho klump i magen og gruar seg, for han blir så lenge vekke! Sarah Elise synes vekene går veldig sakte mens ho ventar på at han skal komme heim igjen.

Kvar sommar er Hallvard vikinggut, og då flyttar familien hans til ein vikingby som viser turistar korleis kvardagen til vikingane var. Om han vil bruke moderne ting, som mobiltelefon, må han gøyme seg i senga så ingen kan sjå det.