Dialektriket

Kva er det med desse dialektane her i landet? Korfor gjer dei oss så glade og stolte, og samtidig så sinte og såre? Yasmin Syed prøver å finne ut kor spesiell tilstanden i dialektriket Noreg eigentleg er.

Me møter leiaren i supporterklubben til Brann, Roger Lillebøe-Hansen, som har eit brennande hjarte for Bergen, men ikkje snakkar bergensk. Kan ein vera ekte bergensar utan å snakke bergensk?

Korfor vekker dei så sterke følelsar i oss? Yasmin Syed møter Christine Natalie Meyer frå Fredrikstad som blir flau kvar gong ho høyrer dialekten sin på tv. Korfor skal nokon skamma seg over dialekten? Går det an å endra det norske dialekthierarkiet?

Yasmin Syed møter keeperhelt Frode Grodås, som la om dialekten, eller begynte å knote, då han gjorde karriere. Korfor føler bygdefolket at han svikta dei, og kva skjer når den bortkomne sonen vender heim? Kan Hornindal tilgje bygdas store son?

Yasmin Syed møter Geir Nesbakk som er villig til å gå i krigen for å behalda den flotte rulle-r-en sin. Men skarre-r-en er alt på full fart inn i Bremanger. Kan ein stoppa ei dialektendring? Kva er me eigentleg redde for?

Jasmin Syed møter Eirik Høyme Rogn, som bur i eit område i dialektkrise. Held dialektane våre på å døy ut? Kva kan Eirik og dei andre gjera for å bevara dialekten? Norsk serie om nordmenn og dialektar.