Severin

Severin er framleis einebuar på Røneset ved Storfjorden, medan kjæresten Jelena stort sett bur i Ålesund. Han synes det er litt vanskelegare å sjå føre seg korleis livet blir framover, men prøver å ta ein dag om gongen.

Det er ikkje berre berre å vere einebuar på eit nes utan veg når båten du er avhengig av er på service, og alle påhengsmotorane til småbåten streikar på ein gong. Dessutan kunne forma også ha vore betre.

Endeleg er sola attende på Røneset, etter nesten fem månader. Fisken bit, og kjæresten i Ålesund er på besøk.

Severin har tenkt han må få vekk vatnet som legg seg i tunet når det regnar. Og når den jobben er gjort, må det vere lov å ta seg ein tur til fjells for å slappe av. Severin har ikkje vore oppe på koia si heile vinteren.

Vanlegvis pleier Severin å sjå spekkhoggarar i fjorden i februar, men denne våren kjem dei ikkje før i slutten av april.

Jelena har fått Severin til å bli grønnsakbonde på Røneset for første gong i sitt liv. No kjem ho på besøk til helga, og Severin har det travelt med å klargjere åkeren til såing og potetsetting.