Severin

Severin er ein moderne einebuar på eit veglaust nes på Sunnmøre. Han veit å nyte kvardagen og naturen, minutt for minutt. Han kan gjere kva han vil – om veret tillet det. Kjem han ut i dag?

Severin veit å nyte kvardagen og naturen i kring seg, minutt for minutt. Det har reke i land ein svær granstokk. Kan den brukast til noko, skal tru?

Etter å ha vore borte i månadsvis, er endeleg sola tilbake. Severin oppdagar plutseleg at spektakulære skapningar dukkar opp i Storfjorden.

Severin har lengta i vekesvis etter å komme seg til fjells, han må berre få unna litt arbeid som hastar på Røneset fyrst.

Severin nyt framleis livet på fjellet. Han set ut garn i vatnet like ved stølen, og får 117 fisk. Severin skulle ynskje han fekk langt færre.

Sommaren er på veg, og Severin er litt utålmodig og rastlaus om dagen.

Denne helga har Severin sett fram til lenge. Det er Jonsok, og han ventar storinnrykk av familie og vener. Blir det like kjekt som han håpar?

Severin prøver seg som kulturdetektiv på Latøyna. Finn han den eldgamle bakaromnen han har vore på jakt etter fleire gonger? Elles nyt Severin sommaren i ein ny farkost han har ønskt seg lenge.

Må Severin velje seg ei årstid blir det hausten, og forklaringa er enkel - hjortejakta. Han har sett etter hjort lenge, men no kan han endeleg begynne å jakte. Frysen på Røneset er tom for hjortekjøt.

Den store lidenskapen til Severin er hjortejakt, og det finst mange måtar å jakte på. Ein av dei er å lokke til seg hjortebukkane ved å prøve å etterlikne dei. Dette er så sterke saker at det å skyte hjorten ikkje blir viktig, seier Severin.