Der ingen skulle tru at nokon kunne bu

I 1990 omkom fem menneske i ei tragisk flyulykke på Værøy i Lofoten. Etter det vart den vérutsette flyplassen stengd. Vel ti år seinare kjøpte Remi Johansen flyplassen og gjorde han om til heim.

Ekteparet Margot og Per Bjørvik bur på den veglause garden Aldal i fjella nord for Bolstadøyri i Hordaland. Livsgrunnlaget har vore ein flokk sauer og ein suvenirfabrikk som Per har starta.

Ola Braanaas bur åleine i ei ombygd husmannsstove på ein holme i havet, Svinøyna i Gulen. Han har brukt 35 milllionar kroner på å berge ein gammal handelsstad frå forfall.

Else Juliussen frå den mest folketomme havgrenda Hasfjord i Finnmark er ei fargesprakande kvinne og ein miskunn samaritan.

Anne Gro og Åsmund lever på ein av dei høgstliggjande gardane i landet, Argehovd på Møsstrond, og dei bur tre mil frå næraste bilveg. Der lever ekteparet Løvås av sauehald og turisme.

Tore Amarius har levd eit turbulent liv, med rus og vald. Han ble buddhist og på Nordre Sandøy på Hvaler har han og kona prøvd å få ungdom med ein vanskeleg bakgrunn på rett kjøl att.

Marit Kvam og Arnfinn Lislien valde eit brattlendt og steinete småbruk på den veglause sida øvst i Romsdalen. I bakkane i Brulia er ljåen og riva framleis viktige reiskapar.