Fjellfolk

Vi kryssar Jostedalsbreen, prøver å fly paraglider sjølv om vinden ikkje spelar på lag, ser fjellbonden få ansvar for nye liv og møter Oskar som berre vil skate medan familien vil på fjelltur.

Ole Kristian seier opp jobben, flyttar og prøver seg på eit nytt liv i Jotunheimen. Far og son set kvarandre sin vilje i stevne under Romsdalshornet og gamal kunnskap triumferer når dei skal krysse breen.

Sigrid og Sander snik seg vekk og drar til Norges høgaste klatrefjell. Bjørn viser ein bit av livsverket sitt langt til fjells, det brakar laus med rockefestival i Jotunheimen, og Henki skvisar inn ein klatretur mellom levering og henting på SFO.

Sigrid, Sander og Solbjørg vender tilbake til Falketind for å minnast ein dei var glade i. Familien Flatlandsmo tvingar slekta til eit møte med høgdeskrekken og Tor Olav lurer på kvifor ikkje fleire hentar sauene ned frå fjellet med sykkel.

Henki klatrar på stål og betong i Nordsjøen, og etter 76 rastlause år finn Bjørn staden som gir han ro. Laussnøen blir for djup i Sogn, vinden blir for kald i Sunndalen og Solbjørg må innsjå at eit liv i fjellet ikkje er for alle.

Isbjørn sperrar vegen for Sander, Oskar vil prøve seg på fjellet han har sett opp på heile livet og Toro opplever fjellet på sitt mest nådelause og grusomme. Tragedien råkar og han plagast av minnene.