Der ingen skulle tru at nokon kunne bu

I botnen av ein fjordarm i Tana bur 75 år gamle Charles Jensen saman med ein hund og to hestar, milevis frå næraste granne, utan vegsamband med omverda.

Eikemo er ei lita grend i ein fjelldal på den veglause sida av Åkrafjorden i Sunnhordland. Der bur seks menneske, blant dei to unge og ugifte geitebønder. Men skal Eikemo ha ei framtid, treng dei ei kone.

I Vassvika i Sjunkfjorden, nokre mil nord for Bodø, bur to fiskarfamiliar. Dei manglar veg, og dei manglar kai. Bles det, eller er fjorden full av is, er dei heilt isolerte. Medan karane er på fiske, er to kvinner åleine att i Vassvika.

På Bleikøya like utanfor Oslo hamn bur Berit og Christian Gulbrandsen, dei einaste fastbuande på øyane ved innsiglinga til Oslo.

I Sihccajavri på Finnmarksvidda bur samejenta Mari Anne Kumpulainen Vanhaphia, eit naturbarn som lever av det naturen har å gje, og som gir avkall på samvær med andre ungdommar for å få vere heime.

På Kvebergsøya i Folldal har Martin Kjønsberg, tidlegare rektor, og Eris Davids, opphaveleg frå Tyskland, slått seg ned på ein eldgammal gard og tatt fatt på eit nytt liv. Hesten står sentralt i livet deira.