Der ingen skulle tru at nokon kunne bu

For andre gong i livet sitt har barndomskompisane Reidar Sørensen og Frank Marstokk rømt frå alt og alle, denne gongen til ein isolert fyrstasjon i Lofoten. Men då Frank får kreft, blir det nye livet sett på prøve.

Marit Karlsen var bykvinne på sin hals, men då bustadmarknaden i Oslo blei for brutal måtte ho snu på flisa. Slik enda ho på ei veglaus, vasslaus og straumlaus hytte. Midt i skogen og utan naboar må ho lære å klare seg sjølv.

Eitt år i telt på Svalbard var akkurat det Samuel og Pernille trengte for å klare neste steg i livet sitt: Det fråflytta finnetorpet Embretsæter som hadde stått til nedfalls i 40 år, men det blir annleis med barn i bildet.

Jon Kvalvik er Noregs vestlegaste innbyggjar, medan naboen Johanne er nest vestlegast. Langt ute i havgapet har fiskeoppkjøparen og den pensjonerte lærarinna utvikla eit venskap som gjer at dei kan klara seg heilt i ytterkanten av norgeskartet.

Det vêrharde Annsteinsundet er ingen stad for sjuke folk, men det bryr ikkje Roger Eidshaug seg om. For der hjartet er svakt, er viljen desto sterkare. Han har endåtil skapt seg eit levebrød på ein stad ingen trudde det var mogleg.

Få om nokon i Noreg bur så øde som Per Edvard Johnsen. Han er ein av dei siste som lever nesten utelukkande av det Finnmarksvidda gir han av fisk, rein og molter. Han leiter etter den samiske kulturarva si, som blei tatt frå han ved dåpen.